ஐஸ்வர்யாவை ஏமாத்த முடியாது அவங்க படிச்சவங்க... மனைவி குறித்து பேசிய தனுஷ் !

ஐஸ்வர்யாவை ஏமாத்த முடியாது அவங்க படிச்சவங்க... மனைவி குறித்து பேசிய தனுஷ் !

நடிப்பில் பல அவதாத்தை காட்டி தமிழ் சினிமாவில் தனித்துவமான நடிகராக வலம் வந்து கொண்டிருக்கும் நடிகர் தனுஷ் நடிப்பில் வெளியாகும் திரைப்படங்கள் தொடர்ந்து சர்வதேச அளவில் கவனத்தைப் பெற்று வருகிறது. நடிகர், இயக்குனர், பாடகர் என பல பரிமாணங்களை கொண்டுள்ள தனுஷ் பாலிவுட்டிலும் நடித்து வருகிறார். ஏற்கனவே ஆனந்த் எல் ராய் இயக்கத்தில் ராஞ்சனா என்ற படத்தில் கதாநாயகனாக நடித்த தனுஷ் அதன்பிறகு மீண்டும் இயக்குனர் ஆனந்த் எல் ராய் இயக்கத்தில் சமீபத்தில் வெளியான கலாட்டா கல்யாணம் என்ற படத்தில் நடித்தார். இந்தியில் வெளியான இந்தப் படம் தமிழிலும் டப் செய்யப்பட்டு வெளியிடப்பட்டது ரசிகர்கள் மத்தியில் நல்ல வரவேற்பை பெற்றது

தொடர்ந்து ஆக்ஷன் திரில்லர் கதைகளை இயக்கி வரும் இயக்குனர் கார்த்திக் நரேன் இயக்கத்தில் தனுஷ் நடிப்பில் உருவான மாறன் சமீபத்தில் பெரும் எதிர்பார்ப்பில் வெளியானது. தனுஷ் இந்த படத்தில் பத்திரிகையாளராக நடித்திருப்பார். அண்ணன்-தங்கை பாசத்தை மையமாக வைத்து ஆக்ஷன் திரில்லர் கதை களத்தில் வெளியான மாறன் நேரடியாக ஓடிடியில் ரிலீசானது. தனுஷின் சமீபத்திய படங்களில் இருந்து சற்று வித்தியாசமான கதைக்களத்தில் வெளியான இப்படம் கலவையான விமர்சனங்களை பெற்று வருகிறது.

தமிழ்,இந்தியைத் தொடர்ந்து தெலுங்கிலும் நேரடியாக தனுஷ் நடிக்கிறார். அந்தப் படத்திற்கு வாத்தி என டைட்டில் வைக்கப்பட்டுள்ளது. தமிழ் மற்றும் தெலுங்கு என இரு மொழிகளில் இந்த படம் உருவாகி வருகிறது. அதேசமயம் ஹாலிவுட்டிலும் கால் தடத்தை பாதிக்கும் தனுஷ் தி கிரே மேன் என்ற படத்தில் தற்போது நடித்து வருகிறார். தமிழ் சினிமா முதல் ஹாலிவுட் வரை பிரபலமாக உள்ள தனுஷ் சமீபத்தில் தனது மனைவி ஐஸ்வர்யாவை பிரிவதாக அறிவித்தது பலருக்கும் அதிர்ச்சியாக இருந்தது.

இருவரும் மீண்டும் இணைவார்கள் என ஒட்டுமொத்த திரையுலகமே ஆவலுடன் எதிர்பார்த்து காத்துக் கொண்டிருக்கையில் ஐஸ்வர்யா குறித்து தனுஷ் பேசிய காணொளி தற்போது வைரலாகி வருகிறது. அந்த காணொளியில் தனது இரு மகன்களும் பார்ப்பதற்கு தன்னைப் போலவே இருந்தாலும் யாத்ரா தான் என்ன சொன்னாலும் கேட்டுக் கொள்வார். ஆனால் லிங்கா அம்மா ஐஸ்வர்யாவை போன்றவர் அவ்வளவு எளிதில் ஏமாத்த முடியாது. ஐஸ்வர்யா நல்லா படிச்சவங்க, எதுவாயிருந்தாலும் யோசிச்சு செய்வாங்க அவ்வளவு சீக்கிரம் அவங்களை ஏமாத்த முடியாது என புகழ்ந்து பேசிய தனுஷ் வீடியோ இப்பொழுது வைரலாகிறது.